ថ្ងៃសៅរ៏ ទី១៨ ខែកក្កដា ឆ្នាំ២០១៥ ម៉ោង ២២:២០
ខេត្តព្រះសីហនុ ៖ មនុស្ស២នាក់ជាជនជាតិខ្លែរឥស្លាមបានស្លាប់ភ្លាមៗនៅនឹងកន្លែងកើតហេតុ ដោយសារគ្រោះថ្នាក់ចរាចរណ៍ដែលបានកើតឡើងរវាងរថយន្តធន់ធំបុកគ្នាជាមួយម៉ូតូ ។ ហេតុការណ៍នេះបានកើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី១៨ កក្កដា ២០១៥ នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៩៧-១៩៨ ស្ថិតក្នុងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
សមត្ថកិច្ចបានឱ្យដឹងថា ជនរងគ្រោះទាំង២នាក់មានឈ្មោះ អីុ សើ ភេទប្រុស អាយុ២២ឆ្នាំ ជាអ្នកបើកម៉ូតូ និងអ្នករួមដំណើរពីក្រោយម្នាក់ទៀតឈ្មោះ មហាមាត់ សុខលី ភេទប្រុស អាយុ២១ឆ្នាំ ។ អ្នកទាំង២ជាខ្មែរឥស្លាម មានទីលំនៅភូមិដូនលយ ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ ។ ជនរងគ្រោះទាំង២នាក់ត្រូវរថយន្តបុកហើយកិនទាំងម៉ូតូ ទាំងមនុស្សជាប់នឹងកង់រថយន្តបណ្តាលឱ្យស្លាប់ភ្លាមៗនៅកន្លែងកើតហេតុ ។
តាមប្រភពពីសមត្ថកិច្ចបានឱ្យដឹងថា គ្រោះថ្នាក់ចរាចរណ៍ខាងលើនេះបានកើតឡើងរវាងរថយន្ត១គ្រឿងម៉ាក FUSO ពណ៌ក្រហម ពាក់ស្លាកលេខ តាកែវ 3F-0891 បើកបរទិសដៅពីខេត្តព្រះសីហនុ ទៅភ្នំពេញ(ពីលិចទៅកើត) និងម៉ូតូ១គ្រឿង ម៉ាកហុងដា ឌ្រីម សេ១២៥ ពណ៌ខ្មៅ គ្មានស្លាកលេខ ជិះគ្នា២នាក់ ក្នុងទិសដៅបញ្ច្រាស់ទិសគ្នា ។
សមត្ថកិច្ចបន្តថា ចំពោះមូលហេតុដែលបង្កឱ្យមានគ្រោះថ្នាក់ចរាចរណ៍បណ្តាលឱ្យមានមនុស្សស្លាប់នេះនៅមិនទាន់ដឹងថាបង្កឡើងដោយភាគីខាងណានោះទេ ព្រោះកំពុងតែធ្វើការវាស់វែង និងចាត់ការទៅតាមផ្លូវច្បាប់ ។ ចំណែកវត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុក ដើម្បីដោះស្រាយពេលក្រោយ រីឯសពជនរងគ្រោះទាំង២នាក់ត្រូវបានក្រុមគ្រួសារយកទៅធ្វើបុណ្យតាមប្រពៃណីខ្មែរឥស្លាម ៕
ប្រភព៖ kohsantepheapdaily.com.kh
រីករាយសណ្តាប់បទចម្រៀងបេក្ខភាព Cambodian Idol អ៊ាម វុន្នី ដែលទទួលបានមាសសន្លឹកពីលោក ព្រាប សុវត្ថិ
បទ៖ ធុញទីក្រុង
បទ៖ ធុញទីក្រុង
No comments:
Post a Comment